Glæsilegt Game of Thrones fantasíu-borðspil
Westeros er í heljargreipum stríðsátaka og ringulreiðar. Hinar miklu ættir keppast um völdin og nota til þess öll tiltæk ráð. Á meðan stríðsátök geysa safna óvinir kröftum í hinu napra norðri og fjarlæga austri.
Leikmenn velja sér eina af hinum miklu ættum Westeros og keppast um að ná yfirráðum með klókindum og bellibrögðum. Hver leikmaður gefur herjum sínum skipanir, stjórnar lykil persónum, safnar aðföngum fyrir komandi vetur og þarf samtímis að verjast árásum annarra leikmanna.
Spilið er byggt á bókaröðinni A Song of Ice and Fire eftir George R. R. Martin en sjónvarpsþáttaröðin vinsæla Game of Thrones er byggð á sömu bókum.